Rydym yn elusen arobryn sy'n darparu cymorth ac adferiad iechyd meddwl proffesiynol, o ansawdd uchel yn y gymuned. Mae ein gweithgareddau a arweinir gan grŵp yn arloesol ac mae ganddynt ganlyniadau profedig. Mae sesiynau KIM yn gyfeillgar, yn hwyl ac yn canolbwyntio bob amser ar ddatblygiad a dilyniant unigol.

Rydym yn cydnabod bod rhai galluoedd allweddol yn gwneud ein gwaith yn unigryw. Mae ein gwerthusiadau yn dangos bod gwirfoddolwyr, myfyrwyr, staff ac ymwelwyr yn teimlo bod KIM yn sefydliad arbennig. Mae ein staff yn angerddol ac yn frwdfrydig, ac yn creu amgylchedd sy'n groesawgar ac yn hygyrch. Rydym yn gweithredu mor hyblyg ac ymatebol â phosibl ac yn sicrhau bod pawb sy'n ymwneud â KIM yn cael eu trin yn gyfartal.

Ein nod yw cynnwys ein cleientiaid a'n gwirfoddolwyr yn yr holl weithgareddau rydym yn eu cynnal, a thrwy ymgynghori sicrhau bod pawb yn cael eu cynnwys yn briodol wrth wneud penderfyniadau. Rydym hefyd yn annog ein cleientiaid a'n gwirfoddolwyr i ddod yn aelodau o KIM, i fynychu Cyfarfodydd Cyffredinol Blynyddol a dod yn Ymddiriedolwyr.

Rydym hefyd yn cynnig ac yn annog gweithgareddau sy'n cynnwys y gymuned leol ehangach fel côr cymunedol a chaffi dros dro; cynnig cyfleoedd integreiddio cymdeithasol i'n cleientiaid a thu hwnt a lleihau stigma iechyd meddwl.